መልክአ፡ ጸጋ፡ ዘአብ፡ ወእግዚእ፡ ኀረያ፡
Malkəʾa Ṣagā Zaʾab wa-ʾƎgziʾ Ḫarayā
Image of Ṣagā Zaʾab and ʾƎgziʾ Ḫarayā
-
- ሰላም፡ ለዝክረ፡ ምስክሙ፡ ዘደብረ፡ ጽላልሽ፡ መቅደሱ፨
- ወለሥዕርትክሙ፡ ቅቡእ፡ ቅብአ፡ መንፈስ፡ ቅዱስ፡ ርእሱ፨
- ንጹሓን፡ ጻድቃን፡ ሥርግዋነ፡ ብርህት፡ ልብሱ፨
- ለአምላክ፡ ሕይወተ፡ ዕዝራ፡ ወእግዚአ፡ ክቡር፡ ኢያሱ፨
- ሕሙም፡ ዘይትዌከሎ፡ ከመ፡ ትሕየው፡ ነፍሱ፨
-
- ሰላም፡ ለግንዘተ፡ ሥጋክሙ፡ ቅውመ፡ መቃብር፡ አንቀጹ፨
- ዘየዐውድዎ፡ ኀይላት፡ አክንፈ፡ ነበልባል፡ እለ፡ አሥረጹ፨
- መላእክተ፡ ምድር፡ ጻድቃን፡ ነፍሰ፡ ወልደ፡ ዮና፡ ሐውጹ፨
- ምስለ፡ ሰማያዊ፡ መልአክ፡ እንዘ፡ ያስተፌሥሕ፡ ገጹ፨
- እስመ፡ ዲበ፡ ገጹ፡ አብያት፡ ብርሃናት፡ ተሐንጹ፨
-
- ምንት፡ ብክሙ፡ ተሐልው፡ ውስተ፡ ሰማይ፨
- ጻድቃን፡ ብዙኃነ፡ ዕበይ፨
- ከመ፡ በቅድሜሁ፡ ኢትቁም፡ አምጣነ፡ ግብሩ፡ እኩይ፨
- እንዘ፡ ይከይዳ፡ ሐራውያን፡ ለደብረ፡ ሊባኖስ፡ ዐባይ፨
- ዘተረክበት፡ እምነ፡ ዝንቱ፡ ተክለ፡ አብ፡ ፀሓይ፨
-
- ሰላም፡ ለክሙ፡ ጸጋ፡ ዘአብ፡ እግዚ፡ ወእግዚእ፡ ኀረያ፡ እግዝእት፨
- ለደብረ፡ ጽላልሽ፡ ዐባይ፡ ምቅዋመ፡ ነገሥት፨
- ሕጽርዋ፡ በሃይማኖት፨
-
- ሰላም፡ ለክሙ፡ ጸጋ፡ ዘአብ፡ እግዚ፡ ወእግዚእ፡ ኀረያ፡ እግዝእት፨
- ለደብረ፡ ጽላልሽ፡ ዐባይ፡ ምቅዋመ፡ ነገሥት፨
- ሕጽርዋ፡ በሃይማኖት፨