መልክአ፡ ዕንቈ፡ ብርሃን፡ ዘአንገብ፡
Malkəʾa ʿƎnqʷa Bǝrhān za-ʾAngab
Image of ʿƎnqʷa Bǝrhān of ʾAngab
-
- ሥሉስ፡ ቅዱስ፡ እለ፡ ዕሩያን፡ እንበለ፡ ንትጋ፨
- ከመ፡ እንግር፡ ውዳሴሁ፡ ለዕንቈ፡ ብርሃን፡ ሰብአ፡ እንግልጋ፨
- እስመ፡ እምኔክሙ፡ ምክር፡ ወእምኔክሙ፡ ጸጋ፨
- ጸግዉኒ፡ ለገብርክሙ፡ ለረድኤትክሙ፡ ዘውጋ፨
- አምጣነ፡ ድኩም፡ አነ፡ ዘመደ፡ ድክምት፡ ሥጋ፨
-
- ሰላም፡ ለዝክረ፡ ስምከ፡ ዘኍላቌ፡ ስሙ፡ ሰብዓቱ፨
- ዘጸውዖቶ፡ ኢይክሉ፡ እኩያነ፡ ላዕሉ፡ ወታሕቱ፨
- ዕንቈ፡ ብርሃን፡ አቤል፡ ለእግዚአብሔር፡ መሥዋዕቱ፨
- ባርከነ፡ ለአግብርቲከ፡ በስመ፡ ሥላሴ፡ ሠለስቱ፨
- ከመ፡ በሰላም፡ ኑፈር፡ ወበሰላም፡ ንእቱ፨
-
- ሰላም፡ ለመቃብሪከ፡ እንተ፡ አልቦቱ፡ ውውዓ፨
- ዘየሐውራሁ፡ አእጋር፡ አንስተ፡ ምእመናን፡ ዘጸንዓ፨
- ዕንቈ፡ ብርሃን፡ አቡየ፡ ኀበ፡ ሀሎ፡ ፍግዓ፨
- ለልብየ፡ ሰማርያዊ፡ አመ፡ ኀየሎ፡ ቍጥዓ፨
- አቅርቦ፡ ኀቤከ፡ ብሂለከ፡ ነዓ፨
-
- እግዚአብሔር፡ አብ፡ ምሉአ፡ ኵሉ፡ ስብሐት፨
- ተረድአኒ፡ ሊተ፡ እምነዘቦ፡ ፍርሀት፨
- በእንተ፡ ኪዳኑ፡ ጽኑዕ፡ ለዕንቈ፡ ብርሃን፡ ማኅቶት፨
- ለዘኬዎስ፡ ጸሓፊሁ፡ እመ፡ ሐጸሮ፡ ቁመት፨
- ዕቀቦ፡ ኵለሄ፡ እምኵሉ፡ ጽዕለት፨
-
- ናሁ፡ አቅረብኩ፡ ዘመልክእከ፡ ወድሶተ፨
- አርብዓ፡ ወስድስተ፨
- ዕንቈ፡ ብርሃን፡ ዘረሳይካሃ፡ ለገዳምከ፡ ጽንዕተ፨
- ኢይባእ፡ ውስቴታ፡ ዘይሔሊ፡ እካያተ፨
- ምስሌነ፡ ሀሉ፡ ኵሎ፡ ዕለታተ፨