መልክአ፡ አቢብ፡
Malkəʾa ʾAbib
Image of Phib
-
- ሰላም፡ ሰላም፡ ለዝክረ፡ ስምከ፡ መአድምተ፨
- ከመ፡ አስተጋብእ፡ ማሕሌተ፨
- አርአያ፡ ታስተጋብእ፡ ብእሲት፡ እምነ፡ ተቅራም፡ ሕጠተ፨
- አቢብ፡ ቡላ፡ ዘኢያእመርከ፡ ርስሐተ፨
- በክነፈ፡ ኅሊና፡ በጺሐከ፡ ግብተ፨
- ዘያፌጽም፡ ማሕሌተከ፡ መክሥተ፨
-
- ሰላም፡ ለዕርገትከ፡ ልዑለ፡ አርያመ፨
- እንዘ፡ ትትወፈይ፡ ቡላ፡ እምአፈ፡ መላእክት፡ ሰላመ፨
- ግበር፡ ሊተ፡ በፍጽምየ፡ ዘትእምርትከ፡ ማሕተመ፨
- ኢይረክብ፡ ዘይንዕወኒ፡ ወኢይመውአኒ፡ ፍጹመ፨
- እመ፡ ይተልወኒ፡ ረድኤትከ፡ ከዊኖ፡ ቃውመ፨
-
- በከመ፡ ተወክፈ፡ እግዚእከ፡ ጸራይቀ፡ ክልኤቱ፨
- ዘእምተጽናሳ፡ ብእሲት፡ ለእመ፡ አብአት፡ ሎቱ፨
- አቢብ፡ ተወከፍ፡ አስትአ፡ ማሕሌትየ፡ ዝንቱ፨
- ለሰብለ፡ ሥርናይ፡ ከመ፡ ይበዝኅ፡ ሕጠቱ፨
- ይፈድፍድ፡ በኀቤከ፡ ወይብዛኅ፡ ዕሤቱ፨
-
- ሰላም፡ ለከ፡ አቢብ፡ ንህብ፡ እምሰብአ፡ ትማልም፡ ወዮም፨
- እምገነተ፡ መስቀል፡ አልቦ፡ ጽጌ፡ ሕማም፨
- ከማከ፡ ዘይቀስም፨
-
- ሰላም፡ ለከ፡ አቢብ፡ ቡላ፡ ኀበ፡ ኢየሱስ፡ መድኅን፨
- ለብእሲ፡ ኪያከ፡ ዘይትአመን፨
- ሰአል፡ ሎቱ፡ ቁመተ፡ የማን፨
- አመ፡ ጊዜ፡ ይትነፋሕ፡ ቀርን፨