መልክአ፡ ሳሙኤል፡ ዘደብረ፡ ሃሌ፡ ሉየ፡
Malkəʾa Sāmuʾel za-Dabra Hālle Luya
Image of Sāmuʾel of Dabra Hālle Luya
-
- በጼወ፡ መለኮት፡ ቅስሚ፡ ቤተ፡ ክርስቲያን፡ አቅሌስያ፨
- መዝገበ፡ ሥጋሁ፡ ዘዕንቍ፡ ለሳሙኤል፡ ዘሃሌ፡ ሉያ፨
- ለልእልዕተ፡ ልሳን፡ ነፍስየ፡ ልስሐተ፡ ኃጢአት፡ እንተ፡ አንጠያ፨
- ከመ፡ እጕሣዕ፡ ድርሳናቲሁ፡ ዘበበ፡ አምሳል፡ አርአያ፨
- ለዝ፡ ጠቢብ፡ ወለዝ፡ ኬንያ፨
-
- ሰላም፡ ለዝክረ፡ ስምከ፡ ዘተጸውዐ፡ መልዕልተ፡ ደብር፨
- በአንድዮ፡ መንፈስ፡ ፈቃዳዊ፡ ወአኮ፡ በግብር፨
- ሊቀ፡ ብፁዓን፡ ሳሙኤል፡ እምኍልቈ፡ ብፅዓን፡ ዓሥር፨
- እስመ፡ ለከ፡ አባ፡ መንግሥተ፡ ሰማያት፡ ወምድር፨
- አመ፡ ይመጽእ፡ ወልድ፡ በዕበይ፡ ወከብር፨
-
- ሰላም፡ ለመቃብሪከ፡ ዕንቈ፡ ኢያስጲድ፡ ወብረሌ፨
- ሥነ፡ ሥርጋዊሁ፡ በኅቡእ፡ እንተ፡ ይእቲ፡ መካነ፡ ሃሌ፨
- ናዝዘኒ፡ አባ፡ ሳሙኤል፡ ዖፈ፡ ሉዓሌ፨
- ለዘእሰቲ፡ ወይነ፡ አንብዕ፡ ወእበልዕ፡ እክለ፡ ወይሌ፨
- እስመ፡ ተፈጸመ፡ ሊተ፡ ዘነቢይ፡ ምሳሌ፨
-
- በረከትከ፡ አባ፡ በረከተ፡ ሰማይ፡ ልዑል፨
- ወበረከታ፡ ለምድር፡ ጥሉል፨
- እስመ፡ አንተ፡ ሳሙኤል፡ ዘኢትነዲ፡ ባዕል፨
- አብሆሙ፡ ለደቂቅከ፡ በበ፡ ገጸ፡ ኵሉ፡ አምሳል፨
- እስከ፡ ይቀንዩ፡ ኵሎ፡ በሥልጣን፡ ወኀይል፨
-
- ለዝንቱ፡ መልክአ፡ ውዳሴከ፡ እንበለ፡ አጣዕጥዕ፡ ፊደሎ፨
- ገጸ፡ አምኃ፡ ንስቲተ፡ ዘአቅረብኩ፡ በተሀብሎ፨
- ተሠጠወኒ፡ ሳሙኤል፡ ወኢትትአንተለኒ፡ ተአንትሎ፨
- ለጻድቅሰ፡ አሐተ፡ ቃለ፡ ተአክሎ፨
- እስመ፡ ተፈጸመ፡ ሊተ፡ ተምኔትየ፡ ኵሎ፨