መልክአ፡ ዘኢየሱስ፡ ዘደብረ፡ ሃሌ፡ ሉየ፡
Malkəʾa Zaʾiyyasus za-Dabra Hālle Luya
Image of Zaʾiyyasus of Dabra Hālle Luya
-
- ናሁ፡ ወጠንኩ፡ ለመልክእከ፡ ሰላሞ፨
- ወዜና፡ ኂሩትከ፡ እንግር፡ በብዙኅ፡ አስተሐምሞ፨
- ዘኢየሱስ፡ ርድአኒ፡ በነቢብ፡ ወበተርጕሞ፨
- ለሀኬተ፡ ሥጋ፡ ኢያእምር፡ ድካሞ፨
- እስከ፡ በትጋህ፡ እፌጽም፡ ወአበጽሕ፡ አቅሞ፨
-
- ሰላም፡ ለዝክረ፡ ስምከ፡ በጊዜ፡ ወፅአ፡ እምከርሥ፨
- ዘተጸውዐ፡ ፍጹመ፡ በስመ፡ ኢየሱስ፡ ክርስቶስ፨
- ኪያከ፡ ንሰብሕ፡ በቃለ፡ ማሕሌት፡ ሐዲስ፨
- እለ፡ ተጋባእነ፡ በዓለመ፡ ሥጋ፡ ወነፍስ፨
- ባርከነ፡ አባ፡ በመስቀል፡ ቅዱስ፨
-
- ሰላም፡ ለግንዘተ፡ ሥጋከ፡ በእደ፡ ኅሩያን፡ አርድእት፨
- ወለመቃብሪከ፡ ሰላም፡ በዐጸደ፡ ተስፋ፡ ኅሪት፨
- ዘኢየሱስ፡ ንጹሕ፡ ዘውገ፡ መላእክት፨
- ጸግወኒ፡ በረከተከ፡ ምስለ፡ ፍጻሜ፡ ረድኤት፨
- ህየንተ፡ ጻመውከ፡ በዘቀዋሚ፡ መላእክት፨
-
- አምኃ፡ ስብሐት፡ ሐዲስ፡ ሀወልተ፡ ወርቅ፡ ወብሩር፨
- እንተ፡ አቅረብኩ፡ ንስቲተ፡ ለመልክእከ፡ ንኩር፨
- ዘኢየሱስ፡ ትትወከፍ፡ ወትሠጠው፡ በፍቅር፨
- ነዓ፡ ነዓ፡ ምስለ፡ ሳሙኤል፡ መምህር፨
- ወእንጦንዮስ፡ ወላዲሁ፡ ፈላሲ፡ ክቡር፨
-
- ለመጽሐፈ፡ ብዙኅ፡ ተኣምሪከ፡ ናነብቦ፡ በልሳን፨
- ወንስምዖ፡ በእዝን፨
- ሃሌ፡ ሉያ፡ ሳሙኤል፡ አበ፡ ብዙኃን፨
- ነዓ፡ ሃቤነ፡ ለባርኮ፡ ምስለ፡ መኅበራኒከ፡ ቅዱሳን፨
- በሥምረተ፡ እሙ፡ ድንግል፡ ወወልዳ፡ መድኅን፨
-
- መትልወ፡ እንጦኒ፡ እንጦንስ፡ ገብረ፡ መስቀል፡ ወገብረ፡ ክርስቶስ፨
- ዘሃሌ፡ ሉያ፡ ሳሙኤል፡ ወዘኢየሱስ፨
- ላእካነ፡ ማርያም፡ ድንግል፡ ወአግብርተ፡ ወልዳ፡ ክርስቶስ፨
- ለለ፡ ጸዋዕነ፡ ስመክሙ፡ በቃለ፡ ማሕሌት፡ ሐዲስ፨
- ለባርኮትነ፡ ንዑ፡ ውስተ፡ ዘመቅደስ፨
-
- ሰላም፡ ለክሙ፡ እንጦንዮስ፡ ወሳሙኤል፨
- ዘኢየሱስ፡ ወገብረ፡ ክርስቶስ፡ ወገብረ፡ መስቀል፨
- ዘሐውጸቶ፡ ፈተወ፡ ቀዳማ፡ ሕዝበ፡ እስራኤል፨
- በሞገስክሙ፡ ሞገሰ፡ ማርያም፡ ድንግል፨
- ንግሥተ፡ ስብሐት፡ አክሊል፨
- ነያ፡ ትትፌሣሕ፡ ወትትኀሠይ፡ ደብረ፡ ሃሌ፡ ሉያ፡ ቤቴል፨