መልክአ፡ ገላውዴዎስ፡
Malkǝʾa Galāwdewos
Image of Claudius
-
- ዐብየ፡ ላሓ፡ ነፍስየ፡ አምሳለ፡ ውሒዝ፡ ዘገዳም፨
- ከመ፡ ዐብየ፡ ላሓ፡ ለኢየሩሳሌም፨
- አመ፡ ዐብየ፡ ፍትሐ፡ ሞት፡ በስነነ፡ ኲናት፡ ጸሊም፨
- ገላውዴዎስ፡ እንዘ፡ ነፍስከ፡ ሕርትምተ፡ በቀል፡ ወቂም፨
- ወአእዳዊከ፡ ንጹሓት፡ እምደም፨
-
- ቦኑ፡ ኢያእመሩ፡ ለምሕረትከ፡ መጠና፨
- ወኢተዚያነውነ፡ መብዝኅተ፡ ሣህልከ፡ እምሰብአ፡ ዜና፨
- እለ፡ ቀተሉከ፡ ዕደው፡ በአእብዶ፡ ነፍስ፡ ወኅሊና፨
- ገላውዴዎስ፡ ፀርከ፡ ዘትስእል፡ ዳኅና፨
- [line missing]
-
- ጽምው፡ ዖፍ፡ ወኅዱዕ፡ ገላውዴዎስ፡ ኄር፨
- እንዘ፡ ትጸውር፡ ቈጽለ፡ እምዕፀ፡ ዘይት፡ ሥሙር፨
- ከመ፡ ታብስሮሙ፡ ነዓ፡ ንትገተ፡ አይኅ፡ እምድር፨
- ናሁ፡ ኪኣከ፡ ይጸንሑ፡ ውስተ፡ አሐቲ፡ ሐመር፨
- ኅዳጣን፡ ሰብእ፡ ዘይድኅኑ፡ እምባሕር፨
-
- ሰላም፡ ለርግዘትከ፡ ከመ፡ ጊዜ፡ ሐለይክዎ፡ በአንክሮ፨
- አአነብዝ፡ ገባእኩ፡ እምፍናወ፡ ሐዘን፡ ወአንጽሮ፨
- ባሕቱ፡ ነቃህኩ፡ ሶበ፡ ለክርስቶስ፡ እኔጽሮ፨
- ወአስተሐይጽ፡ በነፍስየ፡ ዘዕለተ፡ ዐርብ፡ ጻዕሮ፨
- ከመ፡ ገቦሁ፡ ረገዙ፡ ወቀነዉ፡ እግሮ፨