መልክአ፡ ወልደ፡ ትንሣኤ፡
Malkəʾa Walda Tǝnśāʾe
Image of Walda Tǝnśāʾe
-
- ሰላም፡ ለፅንሰትከ፡ በተዐድዎ፡ ሕግ፡ ዘኮነ፨
- ወለልደትከ፡ ሰላም፡ እንዘ፡ ትፈትሕ፡ ማሕፀነ፨
- ወልደ፡ ትንሣኤ፡ እምአብ፡ እንተ፡ ነሣእከ፡ ሥልጣነ፨
- እምልብየ፡ ዝንጋኤ፡ ልብ፡ አእትት፡ ፍጡነ፨
- [line missing]
-
- ሰላም፡ ለዝክረ፡ ስምከ፡ ዘአስተዛለፋ፡ ቀባዒ፨
- ኀበ፡ ትንሣኤ፡ በቋዒ፨
- ወልደ፡ ትንሣኤ፡ ኀያል፡ ኀያላነ፡ ጽልመት፡ መዋኢ፨
- አድኅነኒ፡ በረድኤትከ፡ እመልአከ፡ ዓለም፡ ፈጋዒ፨
- እስመ፡ አበ፡ ግፉዕ፡ አንተ፡ ወአንተ፡ ረዳኢ፨
-
- ሰላም፡ ለሥዕርተ፡ ርእስከ፡ እምዐይነ፡ አእምሮ፡ ሰብአዊ፨
- ገጸ፡ ኍላቌሁ፡ ዘኀብአ፡ እግዚአብሔር፡ ማሕየዊ፨
- ወልደ፡ ትንሣኤ፡ መክብብ፡ መምህር፡ እስክንድራዊ፨
- ኢትትሀከይ፡ አቂቦተነ፡ በአምሳለ፡ ትጉህ፡ ኖላዊ፨
- ለአባግዒከ፡ እምተኵላ፡ ነዓዊ፨
-
- ሰላም፡ ለፍልሰተ፡ ሥጋከ፡ በዝየ፡ ተሰብሐ፨
- ወስብሐተ፡ ዕበይ፡ ነሥአ፡ እምአፈ፡ መላእክት፡ በከሃ፨
- ወልደ፡ ትንሣኤ፡ ለገጽ፡ እንተ፡ ታደሉ፡ ፍትሐ፨
- ለነፍስየ፡ መፍቀሪትከ፡ ተወኪፈከ፡ ጻማሃ፨
- ኃጣውኢሃ፡ አስተስሪ፡ ወፍዲ፡ ዕዳሃ፨
-
- እሴብሖ፡ ለእግዚአብሔር፡ ዘአስተጋብአነ፡ እምርኁቅ፨
- በዓለ፡ ዕረፍትከ፡ ንግበር፡ ወተዝካረከ፡ በጻህቅ፨
- ወልደ፡ ትንሣኤ፡ በጸጋ፡ ወላዴ፡ አእላፍ፡ ደቂቅ፨
- ጉባኤነ፡ ባርክ፡ ባሕቱ፡ በመስቀልከ፡ ዘጻድቅ፨
- ወበጸሎትከ፡ ይድኅን፡ ሕዝበከ፡ እምድድቅ፨
-
- ለማርያም፡ ዘአለበወተኒ፡ ዘንተ፨
- ድርሳነ፡ መልክእከ፡ አባ፡ እንዘ፡ ትከውን፡ ረድኤተ፨
- ወልደ፡ ትንሣኤ፡ ለኵሉ፡ ዘታስተበቍዕ፡ ምሕረተ፨
- ሰሚዐከ፡ በቃለ፡ አፉየ፡ ወዘልብየ፡ ስእለተ፨
- ሀብተ፡ በረከት፡ ሀበኒ፡ ዕሤተ፨