መልክአ፡ ስድስቱ፡ ቅዱሳን፡
Malkǝʾa Sǝddǝstu Qǝddusān
Image of the Six Saints
-
- በስመ፡ እግዚአብሔር፡ ወጠንኩ፡ ዘኪያክሙ፡ ሰላመ፨
- እምኀበ፡ ፈጣሪ፡ ልዑል፡ ዘተጸውዖ፡ ቀዲመ፨
- ቅዱሳን፡ አበው፡ ዘመነንክሙ፡ ዓለመ፨
- አጽምዑ፡ በአእዛኒክሙ፡ ከናፍርየ፡ በሐመ፨
- አመ፡ ዛቲ፡ ምኔት፡ አወትር፡ ቀዊመ፨
-
- ሰላም፡ ሰላም፡ ለዝክረ፡ ስምክሙ፡ እብል፨
- ወለሥዕርትክሙ፡ ዓዲ፡ ከመ፡ ሜላተ፡ ወርቅ፡ ፍቱል፨
- ቅዱሳን፡ አበው፡ ጽጉባነ፡ ስቴ፡ ወንጌል፨
- ይኩነኒ፡ ዘልፈ፡ ለጽምዕየ፡ እምዋዕየ፡ ጌጋይ፡ ወሀጕል፨
- ዘያረዊ፡ ጽሙዓነ፡ ስቴክሙ፡ ገድል፨
-
- ሰላም፡ ለአፃብዒክሙ፡ ወለአጽፋሪክሙ፡ ዘአእጋር፨
- ለቆምክሙ፡ ሰላም፡ ወለመልክእክሙ፡ ክቡር፨
- ቅዱሳን፡ አበው፡ ስሙዓተ፡ ዜና፡ መንክር፨
- ሰላም፡ ለማርያም፡ ንግሥተ፡ ሰማያት፡ ወምድር፨
- ዘከፈለተኒ፡ እቁም፡ በይእቲ፡ ደብር፨
-
- ሰላም፡ ለተኀኦትክሙ፡ ውሳጤ፡ ዐባይ፡ ጾላዕት፨
- አምሳለ፡ ዕዝራ፡ ወሄኖክ፡ ነቢያተ፡ ኦሪት፡ ቀደምት፨
- ቅዱሳን፡ አበው፡ እለ፡ ብክሙ፡ ሕይወት፨
- ይቤ፡ በቃሉ፡ እግዚአ፡ ብዙኅ፡ ትዕግሥት፨
- በአማን፡ ኅሩያንየ፡ አልብክሙ፡ ሞት፨
-
- ናሁ፡ ፈጸምኩ፡ ስብሐቲክሙ፡ ገሀደ፨
- እንዘኒ፡ ብዙኅ፡ ረሲይየ፡ ውሑደ፨
- ቅዱሳን፡ አበው፡ ዘትትሜሰሉ፡ አዕማደ፨
- አጠይቁኒ፡ አጋዕዝእትየ፡ ለዘውስተ፡ ምኔት፡ ሰጊደ፨
- ወሚመ፡ ለዘወሀበ፡ ኅብስተ፡ አሐደ፨
-
- ሰአሉ፡ ለነ፡ ሰአሉ፡ ለነ፨
- ሰአሉ፡ በእንቲአነ፨
- ለደቂቀ፡ ዛቲ፡ ምኔት፡ እለ፡ በጸሎት፡ ሀለውነ፨
- ቅዱሳን፡ አበው፡ ዘነሣእክሙ፡ ኪዳነ፨
- ኀይለ፡ ጸላኢ፡ ኢይትቃረነነ፡ ወመስቀለክሙ፡ ባርኩ፡ ኪያነ፨