መልክአ፡ ሚናስ፡
Malkəʾa Minās
Image of Menas
-
- [ሥሉስ፡ ቅዱስ፡] ግሩማነ፡ አካል፡ በዕሪና፨
- ዘይቄድስዎ፡ ዘልፈ፡ እስመ፡ በአሐዱ፡ መልክና፨
- ሚናስ፡ እወጥን፡ እንተ፡ ዘውዳሴከ፡ ዜና፨
- ዲበ፡ እንግድኣየ፡ አክብድ፡ ልቡና፨
- ከመ፡ ያስልጠኒ፡ ፈጽሞቶ፡ በንጹሕ፡ ኅሊና፨
-
- ሰላም፡ ለዝክረ፡ ስምከ፡ ኀበ፡ ዐምደ፡ ብርሃን፡ ጽሑፍ፨
- ውስተ፡ ቤተ፡ አምላክ፡ ግሩም፡ እንበለ፡ ድምሳሴ፡ ወኀሊፍ፨
- ሚናስ፡ ሐራ፡ ዘባጤ፡ ረሲዓን፡ በሰይፍ፨
- ተማሕፀንኩ፡ በትንባሌከ፡ እምአርዌ፡ ዐመፃ፡ ጽሩፍ፨
- ለለ፡ ጊዜ፡ ዕለት፡ እትዐቀብ፡ ወዓዲ፡ ለዘልፍ፨
-
- ሰላም፡ ለፀአተ፡ ነፍስከ፡ ወለበድነ፡ ሥጋከ፡ ርጢን፨
- ለግንዘትከ፡ ሰላም፡ ወለመቃብሪከ፡ ሙዳየ፡ ዕፍረት፡ ቀታሌ፡ ተመን፨
- ላዕሌሁ፡ እንተ፡ ኀደረ፡ ሰይጣን፨
- ሚናስ፡ ወልደ፡ ብርሃን፤ በዘዚአከ፡ ሥልጣን፨
- ናዛዜ፡ ኵነኒ፡ እምኀዘን፡ ክቡድ፡ ኀዘን፨
-
- አብኡ፡ እምተረፎሙ፡ በከመ፡ በወንጌል፡ ተነግረ፨
- አመ፡ ነበረ፡ እግዚእነ፡ ዘሙዳየ፡ ምጽዋት፡ መንጸረ፨
- ጸሪቀ፡ መበለት፡ አሐቲ፡ ከመ፡ ተወከፈ፡ ወሠምረ፨
- ውኩፈ፡ ይኩን፡ በቅድሜከ፡ መሥዋዕተ፡ ሰላምየ፡ ወትረ፨
- እስከ፡ የኀልፍ፡ ትውልድ፡ ከመ፡ ይኩን፡ ተዝካረ፨
- ሚናስ፡ ሰለጥከ፡ ወፈጸምከ፡ በድረ፨